Nga Fatmir Vejsiu
Ka ca vite, që rreth orës 10:00 të ditëve të provimeve të Maturës Shtetërore “ngrihen antenat” për të evidentuar daljen e tezës së provimit të rradhës, pa harruar kohën në minuta të daljes së saj nga fillimi i provimit.
Pas publikimit të lajmit, fillojnë interpretimet për pasojat e këtij veprimi.
Nëse unë do kisha në dorë një test të fotografuar, nuk do kisha ndër mend ta publikoja në rrjete sociale, me shpresë se mund të isha i pari. (da ta shpjegoj më poshtë së përse)
Kam përshtypjen se dalja e tezës bëhët me porosi tek “patronazhistët” (jo vetëm politika ka të tillë ?)
Ai/ato që kanë interesa note, për të cilat detyrohen të rriskojnë duke fotografuar tezën dhe dërguar tek kompetenti dhe anasjelltas, nuk janë të interesuar ta shpërndajnë atë tek opinioni publik.
Ato kooperojnë me kompetentin për të marrë notën më të lartë të mundëshme, për të qenë më mirë se sa të tjerët.
Ka edhe një arsye tjetër që me bind se daljet e tezave bëhen me porosi, jo thjesht nga interesi për notë apo cënimi i procesit.
Të interesuarit për notë dhe kompetentët e ruajnë veten, pasi zbulimi i një veprimtarie të tillë, mund t’i kushtoj shtrenjtë të dyve.(nuk e njoh legjislacionin, por di që maturanti, e pakta përjashtohet nga të gjitha provimet)
Isha sot në gjimnazin “Partizani” – Tiranë, nga ora 08:30 deri kur u fut maturanti i fundit (i shkollës sime).
Çdo gjë korrekt:
dokumentacion i saktë,
kontrolli i imtësishëm me detektorë i kujtdo, …
Për mua, dalja dhe publikimi i tezave të provimit nuk e cënon procesin edhe pse është një difekt i menaxhimit të të tij.
Procesi cënohet kur:
- Teza është e e lehtë apo me gabime shkencore (askush nuk prononcohet për këtë)
- Teza ka pyetje që dalin jashtë programit orientuas të miratuar nga MAS.
(unë jam marë me këto dukuri edhe pse dikujt nuk i ka pëlqyer)
- Në mjediset e provimeve futen persona me kualifikim të njëjtë me lëndën që testohet.
- Në mjediset e provimit, administratorët lejojnë cënimin e procesit duke inkurajuar apo dhënë kopie.
- Në mjediset e provimit nuk evidentohet me dokumenta (ID apo Passaportë) identiteti i pjesmarrësit në provim.
- Teza e provimit nuk korespondon me kurrikulën përkatëse që ka zhvilluar maturanti (Psh. një maturanti të shkollës profesionale i jepet teza e gjimnazit)
- Etj..
Këto janë elemte që mund t’i shikosh apo evidentosh duke qenë brenda mjedisit të provimit, në të kundërt më duket me vend justifikimi COPY PASTE i publikuar nga MAS:
“Dalja e tezës nuk e cënon procesin”
Jam “marrë” edhe unë me daljen e tezave të provimit, ato të matematikës, por nuk më ka shqetësuar fakti i daljes, madje dikur kam thënë se bëjnë shumë mirë, pasi nuk kemi mundësi tjetër për ta parë tezën. ?
Jam marë me përmbajtjen e tyre, me defektet, pa harruar të pëmend e të nënvizojë ushtrimet formuese të tyre.
Po mu dha rasti, do ta bëj edhe këtë vit duke vënë në plan të parë PROFESIONALIZMIN.
