Sot në Gjykatën e Tiranës dhoma civile do shqyrtohet padia e Ilir Metës për divorcin nga Monika Kryemadhi. Në seancë mësohet se nuk do të jetë i pranishëm ish-presidenti, por do të përfaqësohet nga avokati i tij Genc Gjokutaj. Ndërsa Kryemadhi nuk ka konfirmim nëse do të jetë vetë e pranishme. Ilir Meta paraqiti kerkesë për divorc në kulmin e hetimeve te SPAK. ÇIfti ka 3 fëmijë dhe qëndruan të lidhur në martesë për afro 3 dekada.
Meta aktualisht ndodhet në paraburgim dhe hetohet për korrupsion e pastrim parash. Ndërsa Kryemadhi nën masën e detyrimit për paraqitje.
