I penduari i drejtësisë Nuredin Dumani ka vijuar përballjen në GJKKO me të pandehurit e tjerë. Këtë të enjte, ai është përballur me Gentian Sharrën, i cili rezulton se ka marrë tendera në Elbasan dhe avokatin e tij. Dumani ka rrëfyer për disa grabitje të kryera bashkë me Sharrën e të shumëkërkuarin Talo Cela. Por episodi që tërhoqi shumë vëmendje kishte të bënte me gravbitjen e banesës së dhëndërrit të Agron Dukës.
A keni kryer grabitje banesash? – e pyeti gjykata. “Po në shijak dhe në vilbashtovë. Shtëpia ishte e dhëndrit të Agron Dukës. Sipas Dorian Shkozës (i ekzekutuar në 2020 në Durrës) dhe kishte mbi 500 mijë euro aty. Grabitja është berë me makinën time tip ML. I kam heq targat dhe pjesë që të mos dukej se është e imja”, deklaroi Dumani.
Ndërkohë në momentin që u ndërpre seanca, një nga avokatet e të pandehurve në sallën e gjyqit pretendoi se u kërcënua me jetë nga i penduari Dumani.
"Para se të ndëprisni seancën, lutem të dëgjoni procesverbalin audio të seancës. Teksa po flisnit i penduari më tha 'do merrem dhe me ty, me ke ngelur ti pa vrarë'. Nuk mund të kërcenohemi kështu!", deklaroi avokatja.
