Prokuroria e Tiranës kërkoi dënimin me 1 vit e 6 muaj burg për Princ Lekën, i akuzuar për dhunë në familje ndaj ish-bashkëshortes së tij, Elia Zaharia, dhe ish-vjehrrit, Gjergj Zaharia. Për shkak të gjykimit të shkurtuar, dënimi u reduktua në 1 vit burg. Prokuroria kërkoi që dënimi i Princ Lekës të pezullohet dhe ai të vihet në shërbim prove.
Gjithashtu, për ish-vjehrrin e tij, Gjergj Zaharia, dhe për aktoren Elia Zaharia, u kërkua dënim me burg, përkatësisht me nga 1 vit dhe 6 muaj, të reduktuar për shkak të gjykimit të shkurtuar. Ashtu si në rastin e Princ Lekës, prokuroria kërkoi pezullimin e ekzekutimit të vendimit dhe vendosjen e tyre në shërbim prove. Aktet e dhunës ndodhën gjatë periudhës kur Princ Leka ishte në proces divorci me Elia Zaharian.
