Në procesin ndaj Kristian Shkrelit, kryetar i Bashkisë së Vaut të Dejës, u dëgjuan dëshmitë e radhës.
Aleksandër Dodani u rrëfye para trupës gjykuese, pasi ishte në listën e dëshmitarëve të SPAK. Shkreli akuzohet për korrupsion zgjedhor.
Dëshmia
Dëshmitar: Kam dhënë dëshminë te prokuroria, atyre fjalëve u qëndroj.
SPAK: Jeni në dijeni për një investim për një linjë elektrike në shërbim të banorëve?
Dëshmitari: Jo.
SPAK: A e njihni Kristian Shkrelin?
Dëshmitari: Jemi të zonës. Është kryetar i Bashkisë së Vaut të Dejës.
SPAK: Në vitin e kaluar, më 11 maj 2025, janë mbajtur zgjedhjet. A keni pasur kontakt për zgjedhjet elektorale?
Dëshmitari: Unë s’kam pasur kontakt. Më ka marrë në telefon. Kam një mik timin aty në Araç. Zona jonë është e ndarë PS, PD. Miku im është i djathtë, unë jam i majtë. Kristian Shkreli më ka marrë në telefon. Unë mikut tim (krushkut) i kam thënë të votojë për PS, por ai është demokrat.
Avokati: Ju kërkoi votën kundrejt ndonjë përfitimi?
Dëshmitari: Jo.
Avokati: Kristiani ju ka bërë ndonjë presion?
Dëshmitari: Absolutisht jo.
