Mosbindjen civile në Parlament e ‘kanë paguar me lekë’ deputetët e PD. Bëhet fjalë për protestën e para disa muajve, ku deputetët e PD në shenjë proteste morën karriget e tyre në Kuvend i nxorrën jashtë çarlamentit dhe më pas i vunë flakën. Por ky veprim pati një kosto më pas, ku disa prej tyre u detyruan nga administrate e Kuvendit që ta paguanin nga xhepi i tyre dëmin që shkaktuan, ndërsa vetëm katër prej tyre nuk pranuan.
Por institucioni i drejtuar nga Elisa Spiropali nuk ka patur asnjë mëshirë për t’i falur, duke ia mbajtur një pjesë të pagës 4 deputetëve demokratë. Bëhet fjalë për Gazment Bardhin, Flamur Nokën, Bledjon Nallbatin dhe Elda Hotin.
Katër deputetët kanë refuzuar që të paguajnë vullnetarisht dëmin e shkaktuar dhe Kuvendi është detyruar që t’ia mbajë nga pagat e muajve nëntor dhe dhjetor 2024.
Sipas faturës që ka publikuar vetë Kuvendi, dëmi i shkaktuar shkon në shumën 764 mijë lekë të reja.
Kryetarit të Grupit Parlamentar të PD-së, Gazment Bardhit i janë mbajtur 209 mijë lekë. Flamur Nokës dhe Bledion Nallbatit nga 187 mijë lekë. Fatura për Elda Hotin ishte 180 mijë lekë.
Në dokumentin e firmosur nga sekretari i Parlamentit, Genci Gjonçaj thuhet se Bardhi ka dëmtuar stemën e parlamentit, karriget e ka djegur tapetin, ndërsa të tjerët kanë djegur karriget dhe tapetin.
