- Poli i Sigurisë Kibernetike përfundon ndërtimin e këtij kompleksi brenda 18 muajsh, duke qenë gati në maj të vitit 2026.
Poli i Sigurisë Kibernetike, në kthesë të Saukut, me dalje në Unazë të Madhe ka nisur puna për ndërtimin e kompleksit të godinave qeveritare. Në këtë zonë ku do të akomodohen me zyra disa agjenci që operojnë në fushën e informacionit dhe sigurisë kibernetike, sikurse është Agjencia për Sigurinë Kibernetike, Autoriteti Shtetëror për Informacionin Gjeohapësinor dhe Agjencia e Inteligjencës Financiare. Të pranishëm në nisjen e punimeve, ishin kryeministri Edi Rama dhe zv.kryeministrja, njëherësh me ministrja e Energjisë dhe Infrastrukturës Belinda Balluku, teksa mungoi kryetari i bashkisë Tiranë Erion Veliaj. Mesa duket kreu i qeverisë, Rama i ka bërë dalje tashmë kryetarit të bashkisë më të madhe në vend, Erion Veliajt. Pas mungesës së tij, në hapjen e Unazës së Madhe, ky është projekti i dytë që zhvillohet në Tiranë dhe Veliaj mungon krah Ramës. Ky i fundit ka fuqizuar Ballukun, duke marrë me vete kudo në çdo projekt. Pas daljes në natën e ndërrimit të vitit në sheshin Skënderbej, Veliaj është shfaqur në një xhiro me pensionistët në urban, ku teksa promovoi abonenë falas për pensionistët, shigjetoi SPAK, duke i kujtuar që nuk impresionohet nga letrat anonime. Kryebashkiaku i Tiranës po hetohet nga SPAK për 4 vepra penale më të rëndat: korrupsion dhe pastrim parash.
