Policia arrestoi 4 persona, mes tyre dhe një shtetas italian që tentoi arratinë, pasi me dashje çuan në falimentim 7 fasoneri, me qëllim shmangien e detyrimeve tatimore.
Njëri nga të akuzuarit, shtetas italian, u kap në PKK Rinas, në tentativë për t’u larguar nga Shqipëria.
Gjithashtu, vihet sekuestro konservative mbi 7 subjektet dhe 12 llogari bankare të tyre.
Në kuadër të operacionit “Bankrupt”, Seksioni për Hetimin e Krimeve Ekonomike dhe Financiare i DVP Elbasan, në bashkëpunim me Prokurorinë, ekzekutuan vendimin e Gjykatës së Elbasanit, dhënë më datë 02.06.2025, për:
- caktimin e masës së sigurisë “Arrest në burg”, për:
- Algert Kau, 40 vjeç, i ndaluar në Tiranë;
- Giuseppe Lamachia, 60 vjeç, shtetas italian, u kap në Pikën e Kalimit Kufitar në Rinas, në përpjekje për t’u larguar nga Shqipëria;
- Zyhra Kreci, 27 vjeçe;
- E. S., 31 vjeçe, ekonomiste – për të cilën është caktuar masa e sigurisë “Arrest në shtëpi”.
Në kuadër të operacionit “Bankrupt”, Seksioni për Hetimin e Krimeve Ekonomike dhe Financiare i DVP Elbasan, në bashkëpunim me Prokurorinë, ka ekzekutuar vendimin e Gjykatës së Elbasanit të datës 02.06.2025 për caktimin e masave të sigurisë dhe sekuestrimin e pasurive.
Personat në fjalë dyshohet se kanë bashkëpunuar për ta çuar qëllimisht në gjendje falimenti aktivitetin e subjekteve që administronin, për të shmangur pagesën e tatimeve dhe taksave ndaj shtetit.
Prokuroria dhe policia vijojnë hetimet për të identifikuar dhe ndjekur penalisht të gjithë personat e tjerë të përfshirë në këtë skemë mashtruese.
