Autori i sulmit në Washington, 31-vjeçari Cole Tomas Allen, është një “person i sëmurë” që “urren të krishterët”. Kështu është shprehur presidenti amerikan Donald Trump në një intervistë për Fox News.
“Thjesht lexoni manifestin e tij. Edhe vëllai dhe motra e tij ankoheshin për të dhe e kishin raportuar tek autoritetet”, tha Trump.
Presidenti amerikan shtoi gjithashtu se ai dhe Zonja e Parë janë mirë pas incidentit të ndodhur gjatë darkës së Shoqatës së Korrespondentëve të Shtëpisë së Bardhë.
“Jam mirë, edhe First Lady është mirë”, tha Trump. “Nuk mund të lejojmë që këta kriminelë dhe njerëz të këqij të ndryshojnë rrjedhën e ngjarjeve në vendin tonë.”
Ai theksoi se kishte përgatitur një fjalim për darkën e korrespondentëve, por tani do ta ndryshojë për momentin kur ngjarja të riprogramohet.
“Do të jetë një fjalim dashurie”, u shpreh Trump.
