Agjencia amerikane thekson edhe lirim e hapsirave publike në qytetin bregdetar të Vlorës dhe prishen e 100 objekteve në fshatin alpin verior të Thethit. Ndër të tjera Bloomberg shkruan se tetë ekipe arkitektësh janë shpërndarë nëpër gjithë vendin me 2.4 milionë banorë.
Shembjet e objekteve në Theth kanë marrë jehonë ndërkombëtare. Agjencia amerikane, Bloomberg, i ka kushtuar një artikull ku ndër të tjera shkruan se Kryeministri Edi rama po zbaton planet e tij për të shembur rreth gjysmë milionë ndërtime në vend.
Agjencia amerikane thekson edhe lirim e hapsirave publike në qytetin bregdetar të Vlorës dhe prishen e 100 objekteve në fshatin alpin verior të Thethit. Ndër të tjera Bloomberg shkruan se tetë ekipe arkitektësh janë shpërndarë nëpër gjithë vendin me 2.4 milionë banorë. Agjencia amerikane gjithashtu ka përmenduar edhe kundërshtarët politikë të Ramës që e kanë kritikuar ashpër për shkatërrimin e Thethit, gjë që Kryeministri e mohon. Bloomberg thekson se zemërimi i Kryeministri është veçanërisht i fortë në veri, ku vlerësimet për Ramën janë më të ulëta krahasuar me rivalin e tij kryesor, ish-kryeministrin Sali Berisha. Artikulli i Bloomberg Kryeministri shqiptar Edi Rama po vazhdon me planet e debatueshme për të shembur gati gjysmë milioni ndërtime pa leje në të gjithë vendin, pavarësisht zemërimit në rritje të banorëve vendas, të cilët e akuzojnë për sabotim të industrisë së lulëzuar të turizmit. Skuadrat e prishjes po pastrojnë kioskat, zgjatimet në trotuar dhe ambientet e jashtme të kafeneve në kryeqytetin Tiranë. Në qytetin bregdetar mesdhetar të Vlorës, po hiqen kasolle druri dhe bare plazhi. Ndërsa në fshatin alpin verior të Thethit, buldozerët kanë shembur tashmë gati 100 ndërtime. Tetë ekipe arkitektësh janë shpërndarë nëpër gjithë vendin me 2.4 milionë banorë. Ata do të vendosin cilat ndërtesa duhet të prishen dhe cilat kualifikohen për legalizim retroaktiv. Ndërkohë, më shumë se 18 drejtorë bashkiakë, si dhe disa drejtues komisariatesh policie, janë shkarkuar nga qeveria për mosveprim ndaj ndërtimeve të paligjshme më herët. Kundërshtarët e planit thonë se kanë shpenzuar kursimet e jetës në prona për turizëm sektor që përbën rreth 20% të Prodhimit të Brendshëm Bruto dhe akuzojnë qeverinë për veprime të pabarabarta, gjë që ajo e mohon. Zemërimi është veçanërisht i fortë në veri, ku vlerësimet për Ramën janë më të ulëta krahasuar me rivalin e tij kryesor, ish-kryeministrin 80-vjeçar Sali Berisha. Gjatë protestave në Theth javën e kaluar, banorët ngritën bllokada rrugore dhe hodhën koktej molotovi ndaj inspektorëve dhe policisë, sipas raportimeve lokale. Pasojat e qasjes së lehtë ndaj ndërtimeve u bënë të dukshme në vitin 2019, kur tërmeti më vdekjeprurës në historinë e Shqipërisë vrau 51 persona, plagosi 3,000 të tjerë dhe shkaktoi dëme të mëdha materiale. Kostoja për të riparuar mbi 14,000 prona u vlerësua rreth 1 miliard euro (1.2 miliard dollarë). Prokurorët lëshuan urdhër-arreste për inxhinierë, ndërtues dhe zyrtarë të dyshuar për shkelje të standardeve të sigurisë.
Burimi: Bloomberg/ https://www.bloomberg.com/news/articles/2025-07-18/albania-plans-to-demolish-half-a-million-illegal-builds?srnd=condisc
