Policia e Tiranës ka njoftuar masat e posaçme për garantimin e mbarëvajtjes së homazheve për Kryepeshkopin Anastas Janullatos, që do të mbahen në Katedralen “Ngjallja e Krishtit”. Për këtë qëllim, disa akse rrugore në kryeqytet do të jenë të bllokuara nga ora 15:00 e datës 28 janar deri në orën 14:00 të datës 30 janar 2025.
Segmentet e bllokuara janë:
• Rruga “Ibrahim Rugova”, nga Banka e Shqipërisë deri tek degëzimi me Gjykatën e Lartë. Devijimi i mjeteve do të bëhet përmes Rrugës së Barrikadave, bulevardit “Zogu i Parë”, rrugës “Mine Peza” dhe Rrugës së Kavajës.
• Rruga e Kavajës, nga kryqëzimi me Rrugën e Bogdanëve deri tek kryqëzimi me Rrugën “Ibrahim Rugova”.
• Rruga “Ded Gjo Luli” do të ketë bllokime të pjesshme, me devijim përmes Rrugës së Selvisë.
• Dalja nga rruga “Myslym Shyri” do të devijohet në drejtim të bulevardit “Gjergj Fishta”.
