Në konferencën me gazetarët, kryedemokrati Sali Berisha ka komentuar kërcënimet e ministrit të Brendshëm ndaj deputetëve të opozitës pas situatës në Kuvend. "Bastardi i familjes Hoxha do marrë vendin që meriton," tha Berisha gjatë fjalës së tij.
Lidhur me aksionin opozitar, ai përmendi se protestat do të jenë të vazhdueshme, pa dhënë detaje nëse do të jenë të përditshme apo të përjavshme.
Për herë të parë pas shumë kohësh, kryetari demokrat ka përmendur edhe ata që janë indiferentë ndaj zhvillimeve politike. "Ka njerëz të lodhur nga politika, i ftoj të bashkohen sepse i garantoj që ne do të fitojmë. I kujtoj qytetarëve të lodhur se nuk ka diktaturë që rrëzohet me votën e lirë," tha më tej Berisha, pa përmendur nëse mënyra që ai ka zgjedhur për t'u përballur me Ramën preferohet nga pjesa gri e elektoratit.
