Kryetari i PD, Sali Berisha, në parim nuk është kundër dhënies së ishullit të Sazanit të huajve, por shprehet me rezerva për mënyrën se si qeveria organizon këtë proces.
Në një bashkëbisedim me qytetarët në rrjetet sociale, Berisha deklaroi:
“Prej vitit 2001 deri më sot, Sazani i është ofruar biznesmenëve të huaj në mënyrë periodike. Kjo është oferta e radhës që Rama e bëri për të blerë influenca politike. Por një ofertë që plotëson rregullat ligjore, ne nuk i kundërshtojmë ato që respektojnë rregullat e vendit, pavarësisht se Edi Rama e ka përdorur për qëllime politike. Kjo është në tagrin e shqiptarëve për të bërë vlerësimin e tyre për këtë përdorim,” tha Berisha.
