Në ditën e Drejtësisë, pjesë e mbledhjes së përbashkët mes KLGJ dhe KLP ishte dhe presidenti Begaj i cili shprehu mbështetje dhe vlerësim për organet e reja të drejtësisë.
"Kam kënaqësinë t'ju drejtohem ju, organeve të reja të drejtësisë, Spak e GJKKO dhe t'ju shpreh mbështetjen në dhënien e drejtësisë.
10 vjet më parë nisi Reforma në Drejtësi, e cila është historike për nga rëndësia.
Standarded janë vendosur brenda kornizës kushtetuese dhe ligjore. Çështje parësore mbetet zbatimi me përgjegjësi i këtyre standardeve." tha Begaj
Presidenti Begaj iu drejtua me një mesazh dhe gjyqtarëve dhe prokurorëve
"Gjyqtarët dhe prokurorët që iu është besuar ky transformim duhet të jenë simbol i ndershmërisë dhe përgjegjshmërisë. Rritja e kapaciteteve profesionale të magjistratëve duhet të jetë një objektiv afatgjatë. Vetingu pati edhe efekte anësorë, ngadalësimin e drejtësië. Qytetarët presin zgjidhjen e problemeve. Kjo nuk është vetëm çështje statistike."
Presidenti Begaj shprehu mbështetje të plotë ndaj SPAK dhe GJKKo për kontributin e tyre në luftën ndaj korrupsionit dhe krimit të organizuar
