Ministri i Drejtësisë Manja në interpelancën me Alibeajn ka akuzuar ketë të fundit për kohën kur opozita ishte në qeveri.
"Të jesh ish-ministër i Brendshëm, të vriten 4 protestues dhe mos të kesh moral, ku është morali i drejtë?! Duhet të jemi të gjithë njësoj para ligjit. S’ka një i nënës, një i babës. Ju keni ngritur një furtunë në dorë. Mos e barazoni veten me 8 fakirë, që sanksioni dhe veprat i përcakton ligji dhe jo ju! Kur ti kesh emrat nga institucionet, silli. Unë thash; nuk pranoj që të votoj amnistinë me 84 vota, dua mbi 100 vota. Ju e keni njëri me tjetrin dhe ktheni gishtin këtu. Fole qepar, të rrëshqiti goja dhe the; pazare dhe allishverishe. Nxirrni emrat. Ti ke për të ngelur gjithë jetën i pakënaqur se është çështje karakteri." tha Manja
Manja në përgjigje të opozitës ka listuar 8 personat që përfituan nga amnistia të cilët ishin të dënuar nga GJKKO.
Alibeaj në interpelancën me ministrin tha se qeveria bleu me kodin e heshtjes mafioze amnistinë penale.
"Një kod i heshtjes mafioze, duke iu kërkuar të dënuarve dhe atyre nën hetim, që mos të rrëfejnë. Kjo ishte porosi, se mbrojtja politike është e sigurt. Pëshpërima ishte e thjesht; mbajeni gojën mbyllur se pak kohë burg do të bëni. Amnistia e maskuar si akt falje mëshire, është një shfaqje hipokrizie ndaj partnerëve. Nuk e di sa e vërtetë, është që është raportuar se të dyshuarit për vendosjen e tritolit në shtëpinë e Gjyqtarit, mund të jetë liruar nga amnistia. Ata u liruan para kohe nga ndëshkimi i ligjit, pa iu dhënë koha për të reflektuar.”
