Seanca e Kuvendit ka nisur me interpelancën e kërkuar nga opozita me ministrin Manja për amnistinë.
Deputeti i PD Alibeaj tha se Mbi 110 deputetë u bënë bashkë për të nxjerrë të korruptuarit nga burgu tek i drejtoi ministrit Manja pyetjen se nga erdhën propozimet dhe a u konsultuan amendamentet me SPAK.
"Mediat kanë raportuar sipas informacionit të marrë nga SPAK, mbi 100 të dënuar për korrupsion u amnistuan. Një ligj i gatuar në errësirën e natës, në shkelje të procedurës parlamentare, me shpejtësi, pjellë e një pazari transversal të pamoralshëm politik, nxori nga burgu apo uli dënimin e mbi 100 të dënuarve për korrupsion (e me gjasë të tjerë do vijojnë të përfitojnë ditët në vazhdim). Mbi 110 deputetë u bënë bashkë për të nxjerrë të korruptuarit nga burgu.
Ajo që publiku është i interesuar të dijë është se përzë janë liruar të dënuarit nga GJKKO. Cilët ishin propozuesit. A u konsultuan ndryshimet me institucionet e drejtësisë? Akoma nuk keni publikuar listën e përfituesve." tha Alibeaj
