Një avion i Ryanair nga Tirana për në Mançester u detyrua të bëjë një ulje emergjente në Aeroportin Stansted të Londrës, pasi një pasagjer humbi jetën gjatë fluturimit pas një emergjence mjekësore. Incidenti ndodhi të dielën pas orës 20:00, kur avioni po fluturonte mbi ujërat e Adriatikut.
Sipas raportimeve të The Mirror, ekuipazhi i avionit bëri të gjitha përpjekjet për të ndihmuar pasagjerin, por, pavarësisht ndihmës së parë të ofruar në bord, mjekët që mbërritën në aeroport nuk mundën ta shpëtonin.
Zyrtarët e Aeroportit Stansted konfirmuan se, menjëherë pas aterrimit, avioni u rrethua nga shërbimet e urgjencës, përfshirë ekipin mjekësor dhe zjarrfikësit, pas njoftimeve për një emergjencë mjekësore në ajër.
Një përfaqësues i Shërbimit të Ambulancës Lindore të Anglisë shpjegoi se: “Një ambulancë, automjete të tjera të ekipeve të reagimit të shpejtë dhe ambulanca ajrore e Essex dhe Herts u dërguan në Aeroportin Stansted pas raportimeve për një urgjencë mjekësore në bord. Pavarësisht përpjekjeve të mëdha për ta shpëtuar, burri ka ndërruar jetë në vendngjarje.”
Ndërkohë, autoritetet po vazhdojnë hetimet për zbardhjen e plotë të ngjarjes.
