Igerta Hysi, është caktuar nga shorti elektronik për të shqyrtuar në Gjykatën e Apelit të Posacëm ankimin e ish-presidentit Ilir Meta kundër masës së arrestit me burg si dhe atë të ish-bashkëshortes së tij, deputetes Monika Kryemadhi. Kjo e fundit kërkon heqjen e masës së detyrimit për paraqitje. Ish-Presidenti Meta dhe Monika Kryemadhi po hetohen për korrupsion, pastrim parash e fshehje pasurie. E njëjta gjyqtare do të shqyrtojë dhe ankimin e ish-deputetit socialist Jurgis Cyrbja, i cili po mbahet nën arrest për korrupsion në zgjedhje dhe tregtim të sekretit shtetëror nga shtetasit. Dyshohet se njerëz të krimit organizuar ndikuan që emri i Cyrbjas të ishte në listë të sigurt për kandidat për deputet në qarkun Durrës në zgjedhjet parlamentare të 2021.
