Gjykata e Posaçme ka lehtësuar masën e sigurisë për mjekun onkolog, Edmond Gashi. Ai ndodhej nën masën e sigurisë "arrest në shtëpi", por gjykata vendosi të pranonte kërkesën e tij, duke e liruar me garanci pasurore prej 20 milionë lekësh. Gjithashtu, mjekut i është bllokuar pasaporta, duke i ndaluar daljen jashtë vendit. Edmond Gashi, së bashku me mjekë të tjerë, dyshohet për përfshirje në skandalin e Onkologjikut, ku pacientët e prekur nga tumori nuk merrnin shërbim në spitalin shtetëror, por orientoheshin drejt spitaleve private.
