Në përvjetorin e ndarjes nga jeta, përkujtohet figura poliedrike të Arshi Pipës – intelektual, arsimtar, poet, gjuhëtar, kritik letrar, përkthyes dhe një ndër zërat më të guximshëm të mendimit të lirë shqiptar.
Themelues i organit “Bota e Re” së bashku me Mitrush Kutelin, të dy u përjashtuan nga letërsia zyrtare për shkak të qëndrimit antikomunist dhe u dënuan me burg. Pipa vuajti në kampet e punës së detyruar, përfshirë këneta e Maliqit, ku, në fshehtësi, nisi të shkruajë vargjet e burgut mbi letra cigaresh.
Pas arratisjes në vitin 1957, u vendos në SHBA, ku botoi veprën “Libri i Burgut”, një dëshmi e rrallë e jetës në diktaturë, e sjellë përmes poezisë.
Sigurimi i Shtetit e ndoqi për 44 vjet. Dosja për ndjekjen e tij u hap më 29 prill 1960 dhe u mbyll vetëm në vitin 1992, duke përfshirë edhe survejimin e 35 personave të afërt në Shqipëri, si dhe kontakte të tij në SHBA.
Arshi Pipa mbetet një simbol i rezistencës intelektuale, i mendimit të lirë dhe i kujtesës që nuk duhet të shuhet.
Burimi: Autoriteti i Dosjeve
