Policia greke njoftoi se ka arrestuar dy të dyshuarit për atentatin ndaj Irakli Davellës dhe Edi Lulos alias Etmond Hysës. Po si ra policia në gjurmët e të dyshuarve?
Më 15 dhjetor 2024, pasi ekzekutuan Davellën dhe Hysën, të dyshuarit janë larguar me një automjet “Renault” Kadjar të cilit i kishin vendosur targa false.
Ata e kanë parkuar makinën e krimit në një park në Nea Smyrni. Policia pasi e ka zbuluar mjetin e ka mbajtur në mbikëqyrje. Sic rezulton disa ditë më pas, dy persona janë afruar dhe kanë ndërruar targat e mjetit si dhe kanë lyer me klor kabinën e mjetit. Gjatë kohës që kanë qenë nën vëzhgim nga policia, njëri nga dy të dyshuarit ka udhëtuar 5 herë drejt Shqipërisë.
Referuar mediave greke
Jenis Tulja është pronar i një kafeneje në Petroupoli të Athinës. Ai është i regjistruar më emër tjetër si Denis Ruci. Mirjan Guveli, rezulton i rregjistruar në sistemin e policisë greke edhe si Mario Guveli.
