Një ngjarje e rëndë ndodhi mbrëmjen e kësaj të premteje në Orikum, ku një 29-vjeçar, Sildi Velaj, u plagos me armë zjarri. Autori i incidentit është identifikuar si Qerim Bello, i cili pas një konflikti të çastit ka nxjerrë armën dhe ka qëlluar Velajn.
Sipas burimeve të para, Velaj ka marrë 10 plumba, përfshirë një në shpatull dhe një tjetër në kofshë. I plagosuri është transportuar menjëherë në spital dhe aktualisht ndodhet jashtë rrezikut për jetën. Policia ka nisur hetimet për të zbardhur shkaqet e ngjarjes dhe për të kapur autorin.
