Një aksident i rëndë ka ndodhur sot në aksin rrugor Fushë Krujë – Thumanë, pranë fshatit Derven. Dy automjete, një Mitsubishi me targa italiane dhe një Opel, janë përplasur, duke lënë të plagosur rëndë katër persona.
Sipas të dhënave paraprake, aksidenti dyshohet të jetë shkaktuar nga një ndërprerje e gabuar e rrugës nga shoferi i automjetit Opel, si dhe nga shpejtësia e madhe e Mitsubishi-t.
Të plagosurit janë transportuar me urgjencë në Spitalin e Traumës në Tiranë për trajtim mjekësor. Gjendja e tyre mbetet e rëndë, por nuk ka ende detaje për rrezikshmërinë e jetës.
