Aktori i njohur Al Pacino, në një intervistë për People, ka ndarë përvojën e tij mbi atësinë, duke thënë se ndjenja e të qenit prind mbetet e njëjtë, pavarësisht moshës. Pacino, i cili u bë baba për herë të katërt vitin e kaluar me djalin e tij 16-muajsh, Roman Alfallah Pacino, ndau emocionet e tij për atë që e quajti një “mrekulli të vogël”.
“Është gjithmonë e njëjta ndjenjë. Është gjithmonë një mrekulli e vogël. Kjo është gjithçka që mund të them,” tha Pacino, i cili tani është 84 vjeç. “Është kaq e mrekullueshme të kesh fëmijë. Për mua, më ka ndryshuar. Më ka ndryshuar për mirë dhe përgjithmonë. Fakti që përqendrohesh në njerëz të tjerë që ndodhin të jenë fëmijët e tu… aty është dashuria.”
Pacino gjithashtu ka theksuar se ai dhe ish-partnerja e tij, Noor Alfallah, mbeten “miq të mirë dhe bashkëprindër,” pavarësisht ndarjes së tyre pas një lidhjeje dyvjeçare.
