Një grup aktivistësh dhe familjarësh pritën Baki Goxhajn në aeroportin e Rinasit. Mes tyre ndodhej edhe një izraelit, me të cilin ai u përqafua mes emocionesh dhe lotësh.
Goxhaj ishte ndaluar nga autoritetet izraelite në ujërat ndërkombëtare, teksa ishte pjesë e flotiljes “Sumud”, e nisur drejt Gazës me një mision humanitar. Ai tregoi se gjatë ndalimit kishte përjetuar trajtime çnjerëzore nga ushtarët izraelitë, të cilët sipas tij ushtronin dhunë ndaj aktivistëve.
