SPAK shpall pretencën për Sonila Qaton, ish-drejtoreshë e Autoritetit Rrugor Shqiptar dhe vartësit e saj, të cilët akuzohen për aferën e tenderit për tunelin e rrugës Kardhiq-Delvinë.
Prokuroria kërkoi cilësimin fajtor të Qatos dhe dënimin e saj me 1 vit burg dhe 5 vite heqje e së drejtës për të ushtruar funksione publike. Për Simon Prendin u kërkua dënimi me 2 vite burg dhe për 3 vite të tjera të mos ushtrojë asnjë funksion publik
Elona Gogo, motra e Dallëndyshe Bicit rrezikon 1 vit burg dhe për 5 vite të tjera të mos ushtrojë funksione publike. Për Erdit Salillari u kërkua dënimi me 9 muaj burg dhe 5 vite heqje e së drejtës për të ushtruar funskione publike. Admir Pahumi rrezikon 1 vit burg dhe 3 vite dënim plotësues. Për Nikollaq Mihalin u kërkua dënimi 8 muaj dhe 3 vite të tjera të mos ushtrojë funksione publike. Miranda Shkurti 16 muaj shërbim prove dhe 3 vite jashtë funksioneve publike. Për Arbër Trokën, SPAK kërkoi dënimin me 2 vjet burg dhe për 3 vite të mos ushtrojë funksione publike. Për Almir Hoxhaj u kërkua dënim me 2 vite dhe për 3 vite të tjera të mos ushtrojë funksione publike. Për Arjana Hasanin, prokuroria kërkoi 4 vite shërbim prove dhe për 5 vite të mos ushtrojë asnjë funksion publik.
Sonila Qato dhe vartësit e saj akuzohen nga SPAK për favorizim të një kompanie për tenderin e tunelit të Skërficës. Sipas prokurorisë së Posacme nga hetimet ka rezultuar se: ARRSH ngriti grup pune në vitin 2019 për të verifikuar punimet e kryera nga kompania “Gjoka…” në tunelet e rrugës së Arbrit. Ky kontroll - arsyeton prokuroria - u inicua për shkak se kompania Gjoka mori pjesë në tenderin e rrugës Kardhiq – Delvinë dhe përmes të dhënave të rreme që u krijuan justifikohej skualifikimi i saj nga gara. Hetimi kishte në qendër zbatimin e kontratës koncesionare të rrugës së Arbrit, që po ndërtohet nga kompania Gjoka shpk. Kompania pretendoi më pas se ishte skualifikuar pa të drejtë dhe vuri në lëvizje SPAK.
