Pyetja që ngrihet pothuajse çdo ditë në media është: A do të arrestojë SPAK politikanë në prag të zgjedhjeve parlamentare të 11 majit? Dhe nëse po, a do të ndikojë kjo në rezultatin e zgjedhjeve?
Përgjigjja erdhi sot nga kreu i SPAK, Altin Dumani, i cili zhvilloi një takim me gazetarët që mbulojnë çështjet e drejtësisë.
“Ne nuk kushtëzohemi nga fushata zgjedhore. Ligji na detyron të veprojmë sa herë që konstatojmë shkelje. Ne jemi në shërbim vetëm të ligjit,” deklaroi Dumani.
Ai theksoi se SPAK nuk merr parasysh nëse ka ose jo zgjedhje, por fokusohet në sigurimin e provave për cilindo që dyshohet se ka shkelur ligjin.
