Gjykata e Tiranës ka lënë në masën ‘Arrest në burg’, Enea Zyferin kamarierin e Armand Shakajt i dyshuar për zhdukjen e 34 vjeçarit Eglant Koçi. Zyferi para gjykatës ka mohuar akuzën e ‘Përkrahjes së autorit të krimit’. Ai është shprehur se ka parë që Koçi të hynte në lokal dhe në një moment Armand Shakaj i ka kërkuar që të fikë dritat. Por në dëshminë e tij Enea Zyferi është shprehur se nuk ka dijeni nëse 34 vjeçari ka dalë nga lokali.
Eglant Koçi rezulton i zhdukuar prej disa ditësh ndërkohë që dyshimet e policisë janë se ai është vrarë nga shoku i tij Armand Shakaj. Shakaj e ka thirrur në lokalin e tij 34 vjeçarin ku dyshohet se e ka ekzekutuar dhe trupin e ka zhdukur.
