Detaje tronditëse dalin në dritë nga zhdukja e Eglant Kocit, 34 vjeçarit me 4 qershor në Tiranë. Miku i tij, Armand Shakaj i kërkoi Kocit të shkonte për t’a takuar. Ai ishte duke udhëtuar me motor në zonën e sheshit Ëillson dhe menjëherë u nis për në vendin e punës së Shakajt, në afërsi të shkollës Ismail Qemali përballë drejtorisë së Përgjithshme të Policisë së Shtetit. Se çfarë u diskutua mes tyre, ndoshta nuk ka për t’u mësuar kurrë, por policia ka dyshime të forta se Shakaj e ka vrarë Englantin dhe më pas ka thurur planin për të zhdukur trupin.
Sipas dëshmisë në Gjykatën e Tiranës të Enea Zyferit, i cili u la nën masën e sigurisë “arrest me burg” për përkrahje të autorit të krimit, Shakaj i kërkoi të fikte dritat.
“Unë punoj si kamarier në lokalin e Armand Shakaj. E kam parë Eglantin kur u ngjit, por nuk di nëse doli më vonë apo jo. Armandi më kërkoi të fikja dritat. Ma tha që do të nxirrte një frigorifer”, dëshmoi ai, teksa u përpoq të shfajësohej para gjykatës, se nuk kishte asnjë lidhje me mbajtjen peng dhe zhdukjen e Koçit.
Nga hetimet ka rezultuar se Shakaj shfaqet duke futur në makinë një si cantë të zezë, brenda të cilës hetuesit dyshojnë se është trupi i 34-vjecarit, pasi kamerat kanë regjistruar pavarësisht se ishte hequr energjia. Ai dyshohet t’a ketë zhdukur trupin në një zonë të thellë në Librazhd. Për të zhdukur gjurmët, ai i ka kërkuar Zyferit të lajë makinën.
Automjeti është gjetur nga policia në një lavazh në fund të Bulevardit të Ri dhe brenda tij janë zbuluar gjurmë gjaku.
Shakaj, që tashmë është në kërkim, ka larguar dhe motorrin duke e lënë në zonën e 5 majit. Eglant Koçi u denoncua i zhdukur nga familjarët e tij.
Ai dyshohet të jetë mbajtur peng dhe vrarë për përplasjen për portofolet e kriptomonedhave.
