Kanë kaluar disa ditë nga zhdukja e Eglant Koçit, ndërsa ende nuk ka asnjë të dhënë për vendndodhjen e tij.
Dy ditë më parë u konfirmua gjetja e motorit të Koçit pranë nënstacionit elektrik të zonës së 5 Majit në Tiranë, një zhvillim që u konsiderua i rëndësishëm për hetimet. Megjithatë, deri tani, kërkimet nuk kanë sjellë asnjë informacion për fatin e të riut.
Ndërkohë, VNA ka siguruar një video të re ku shfaqet motori i Eglant Koçit. Pamjet hedhin dritë mbi një nga elementët kyç të kësaj ngjarjeje, ndërsa grupi hetimor vijon verifikimet për të rindërtuar lëvizjet e fundit të tij.
Burime policore bëjnë me dije se hetimet janë ende në zhvillim dhe se po shqyrtohen të gjitha pistat e mundshme që mund të ndihmojnë në zbardhjen e rrethanave të zhdukjes.
Pavarësisht gjetjes së motorit dhe materialeve të reja që po dalin në dritë, deri në këto momente nuk ka asnjë informacion zyrtar mbi vendndodhjen apo fatin e Eglant Koçit.
