Kryebashkiaku i Tiranës Erion Veliaj mungoi në seancën gjyqësore në ngarkim të tij në Gjykatën e Posacme, ku po shqyrtohet dosja penale me 13 akuza të rënda. Përmes një shkrese drejtuar gjykatës, Veliaj shprehej se nuk do të merrte pjesë në seancë, pasi mbajtja e tij në kafaz, nuk është as e hijshme as dinjitoze. Ai pretendonte më tej, se ishte antikushtetuese. Për këto arsye kërkonte të përfaqësohej nga avokati i tij, Plarent Ndreca.
Pasi relatoi këtë shkresë, trupa gjykuese konstatoi mungesën e dy avokatëve të dy prej të pandehurve, çka e pamundësonte zhvillimin e seancës. Ndaj vendosi ta shtyjë procesin dhe afatet e paraburgimit për kryebashkiakun Veliajn. Sa i takon kërkesës së avokatit Ndreca që nuk i janë dhënë 24 fashikuj trupa gjykuese thekson fashikujt që mungojnë lidhen me njoftimin e akuzës për të pandehurit e tjerë. Gjykata theksoi se Veliaj nuk i është cënuar mbrojtja deri në këtë fazë të gjykimit dhe vendosi t’i vërë në dispozicion Erion Veliajt 24 fashikujt që mungojnë. Seanca e radhës u shty për në datën 16 qershor.
Erion Veliaj dhe 18 të pandehurit e tjerë, përfshirë dhe bashkëshorten e tij Ajola Xoxa, akuzohen për vepra të rënda penale. Veliaj konkretisht akuzohet për pastrim parash, korrupsion, shpërdorim detyre, etj.
