Procesi i regjistrimit të emigrantëve për të votuar në zgjedhjet e 11 majit ka nisur me ritme të larta. Brenda dy ditëve të para, Komisioni Qendror i Zgjedhjeve (KQZ) ka marrë 8529 aplikime online nga shtetas shqiptarë me banim jashtë vendit.
Sipas të dhënave zyrtare, deri tani janë pranuar 1024 kërkesa, ndërsa pjesa tjetër po shqyrtohet. Nga analiza e të dhënave, vihet re se burrat dominojnë në aplikime me 72.13%, dhe shumica e aplikantëve i përkasin grupmoshës 25-45 vjeç.
Afati për regjistrimin e votuesve të diasporës do të zgjasë deri më 12 mars 2025. Ndërkohë, zgjedhjet e 11 majit pritet të përcaktojnë përbërjen e re të qeverisë dhe parlamentit.
