sh-presidenti amerikan, Donald Trump, ka mohuar zërat se është duke shqyrtuar mundësinë për të kandiduar për një mandat të tretë në krye të Shtëpisë së Bardhë – një skenar që ndalohet qartësisht nga Kushtetuta e SHBA-së.
Në një intervistë për emisionin “Meet the Press” në NBC, që do të transmetohet të dielën, Trump tha:
“Do të jem një president tetëvjeçar, do të jem një president dy-mandatesh. Gjithmonë kam menduar se kjo ishte shumë e rëndësishme.”
Kjo deklaratë vjen pasi vetë Trump kishte lënë të nënkuptohej më parë se mund të kërkonte një mandat të tretë apo edhe të katërt, duke u shprehur se “nuk po bënte shaka” kur fliste për mundësinë e zgjatjes së qëndrimit në pushtet, gjë që kishte ngjallur reagime të forta.
Sipas Amendamentit të 22-të të Kushtetutës së SHBA-së, një president nuk mund të shërbejë më shumë se dy mandate të plotë.
Ekspertët ligjorë kanë qenë unanimë në qëndrimin se çdo tentativë për të kandiduar për një mandat të tretë do të përbënte shkelje të kushtetutës.
