Arrestohet ne Dubai per llogari te Brazilit, Armando Pacani.
Emri I tij rezulton si nje nga narkotrafikantët më të mëdhenj te kokainës. Në Shqipëri është një emër thuajse I panjohur.
Pacani dyshohet si blerësi i drogës që trafikohej nga organizata ndërkombëtare e kokainës me shtrirje nga Brazili deri në Dubai që u godit në mars të këtij viti.
Mediat e kanë kanë zbardhur disa përgjime ku del i përfshirë edhe 39 vjeçari shqiptar Armando Pacani.
"Duke hyrë në mesazhet e Sky ECC, hetuesit gjetën blerësin kryesor të organizatës të drogës në Evropë: shqiptarin Armando Pacani, 39 vjeç, i lidhur me një klan në Ballkan, sipas PF (Federal Police). Ai përmendet si pronari i ngarkesës së dërguar përmes Afrikës Perëndimore. Të dhënat e imigracionit tregojnë se Pacani hyri në Brazil në janar 2019 dhe u largua në gusht 2020, me një fluturim të Emirates nga São Paulo në Dubai." thuhet në përgjime.
Rrjeti i trafikut të drogës dyshohet se transportonte 17 tonë kokainë nga Amerika Latine në Evropë. Europol, i cili mbështeti operacionin, e përshkroi atë si "një fitore të rëndësishme për luftën kundër drogës", duke shtuar se grupi i çmontuar ishte "një nga organizatat më aktive të trafikut të drogës në Brazil".
