Banorët e Krujës dhe Fushë Krujës kanë protestuar sërish ditën e sotme në aksin Thumanë-Kashar, ndërsa nuk kanë munguar as incidentet mes policisë dhe protestuesve.
Një prej efektivëve ka goditur një qytetar i cili po protestonte sëbashku me fëmijën e tij të mitur në krah.
Nga pamjet shihet se si polici e godet me xhamin e skafandros qytetarin në fytyrë i cili mbante në krah fëmijën dhe kërkonte të hynte në korsinë e autostradës për të shprehur protestën e tij kundër vendimit të qeverisë për të mos lejuar banorët e kësaj zone që të kenë akses në këtë aks rrugor.
Kujtojmë se në protestën e së enjtes së kaluar, drejtuesi i Policisë Rrugore, Altin Qato dhunoi një tjetër banor duke e qëlluar me pëllëmbë, pasi ai mbështeti protestuesit në autostradën Thumanë-Kashar.
[video width="848" height="480" mp4="https://cdnimpuls.com/vna.al/wp-content/uploads/2024/08/WhatsApp-Video-2024-08-08-at-7.30.17-PM.mp4"][/video]
