Gjykata e Posacme e Apelit vendosi të lërë në fuqi masën e sigurisë “arrest me burg” për ish-ministrin e Shëndetësisë, Ilir Beqaj, I cili dyshohet se gjatë kohës që drejtonte Agjencinë SASPAK ka abuzuar me fondet e BE-së. Në burg mbetën dhe dy të dyshuarit e tjerë, Ermal Kurtulaj dhe Alfred Nikolla.
Apeli la të pandryshuar masat për të dyshuarit e tjerë, Elton Marini, Bledar Leka, Gazmend Haxhia, Bjona Zijaj.
Ndërsa, ndryshe nga GJKKO që refuzoi kërkesën e SPAK për caktimin e një mase sigurie për Marinela Jazoj, Apeli e prishi këtë pikë të vendimit. Ndaj Jazoj u caktua masa e “Detyrimit për tu paraqitur në policinë gjyqësore”.
Ish-ministri Beqaj dyshohet për korrupsion, fshehje pasurie, mashtrim me pasoja të rënda apo shkelje të barazisë në tendera. SPAK thotë se ai në bashkëpunim me personat e tjerë ka abuzuar me fondet që menaxhonte agjencia SASPAK.
