Klementin Islamaj kishte dalë nga shtëpia rreth orës 5 të mëngjesit dhe ishte ulur në një lokal në zonë dhe pasi të konsumonte kafen do të nisej për në punë, tek vaskat e peshkimit. Teksa ndodhej në lokal dëgjoi zërin e vajzave të tij, që thërrisnin: “mos e vranë nënën”, “mos e vranë nënën”. Ai u nis drejt shtëpisë, ku gjeti nënën e vrarë me sëpatë, nga babai i tij, Huso Islamaj. Aty është përleshur me babain, të cilin e ka hedhur nga shkallët dhe për pasojë ka gjetur vdekjen. Dëshmitare nga Konispoli thonë se gjyshi i Klementin Islamaj, kishte vrarë me herët 3 gra, ngjarje të cilat kanë tronditur zonën.
