Një ngjarje e rëndë brenda familjes është regjistruar mëngjesin e sotëm në fshatin Shalës të Konispolit. Një 69-vjecar pas një konflikti për motive të dobëta, ka vrarë duke e goditur me sëpatë bashkëshorten e tij, 69-vjecare.
Viktima është identifikuar si Shano Ismamaj, ndërsa bashkëshorti që e goditi për vdekje Hyso Islamaj.
Pas vrasjes së gruas, 69-vjecari është konfliktuar me djalin e tij, Klement Islamaj, 40-vjec.
Për shkak të tronditjes që kishte pësuar nga vrasja e nënës, në debat e sipër, Klementi e ka shtyrë babain nga shkallët e shtëpisë e për pasojë ai ka humbur jetën.
Zyrtarisht u njoftua se Klement Islamaj, është kapur dhe shoqëruar në ambjentet e stacionit të policisë së Konispolit, ku pritet të japë shpjegime për ngjarjen tronditëse.
Kjo është ngjarja e dytë e rëndë në pak ditë. Dje, Hati Deliaj humbi jetën në spital, pas dhunës barbare të ushtruar nga bashkëshorti i saj, Engjëllush Deliaj.
