Ambasadori i Bashkimit Evropian në Tiranë, Silvio Gonzato, ka reaguar në lidhje me incidentet dhe tensionet që ndodhën një ditë më parë në Kuvendin e Shqipërisë. Ai ka dënuar përdorimin e dhunës dhe ka bërë thirrje për dialog mes palëve.
Sipas Gonzatos, dhuna dhe dëmtimi i pronës nuk janë mënyrat e duhura për të shprehur pakënaqësitë, duke theksuar se deputetët duhet të jenë në gjendje të përmbushin detyrat e tyre në kushte të sigurta. Ai nënvizoi rëndësinë e respektimit të procesit demokratik dhe kërkoi që tensionet të ulen për të garantuar mbarëvajtjen e punës parlamentare.
“Dhuna nuk duhet të jetë zgjidhje,” deklaroi ai, duke shtuar se është për të ardhur keq që përfaqësues të opozitës përdorën metoda që ndërpresin funksionimin normal të Kuvendit.
