Gazment Bardhi është lënduar fizikisht mbrëmë gjatë përplasjes me deputetët socialistë në Parlament.
Burime të VNA bëjnë me dije se kryetari i grupit parlamentar të PD-së është dëmtuar në këmbë teksa përpiqej të shkëpuste këmbën e një karrigeje në sallën e Kuvendit, me të cilën më pas tentoi të qëllonte drejt kryetares Elisa Spiropali. Fillimisht, ai nuk ka ndjerë asnjë shqetësim, por më vonë, gjatë qëndrimit në selinë e PD-së, ka filluar të ndjejë dhimbje në këmbë.
Zoti Bardhi ka kërkuar ndihmë mjekësore në spital dhe ndodhet në gjendje të mirë shëndetësore. Partia Demokratike ka paralajmëruar se do të vazhdojë bllokimin e seancave dhe komisioneve parlamentare, ndërsa të hënën e ardhshme do të organizojë një protestë kombëtare në Tiranë.
