Kryetarja e Komunës së Preshevës, Ardita Sinani, ka zhvilluar një takim me anëtarë të Dhomës së Përfaqësuesve të Kongresit të Shteteve të Bashkuara të Amerikës, republikani Keith Self dhe demokrati Suhas Subramanyam.
Sinani e cilësoi vizitën si historike, duke deklaruar në rrjetet sociale se “zëri i Luginës së Preshevës u dëgjua nga ata që marrin vendime të mëdha”.
Dy kongresmenët ndodhen në një tur vizitash në Ballkanin Perëndimor, gjatë të cilit kanë qëndruar në Bosnje dhe Hercegovinë dhe Serbi. Pas ndalesës në Preshevë, ata pritet të udhëtojnë drejt Prishtinës për takime të tjera zyrtare.
