Katër betoniere janë përfshirë nga flakët gjatë natës në një kantier ndërtimi në fshatin Dukat, Vlorë.
Sipas informacioneve paraprake, mjetet e ndërtimit ishin në pronësi të shtetasit Blerti Mehillaj. Në vendngjarje kanë mbërritur forcat zjarrfikëse të Vlorës, të cilat kanë bërë të mundur shuarjen e zjarrit, por betonieret janë djegur plotësisht.
Paraprakisht dyshohet se ngjarja mund të ketë qenë një zjarrvënie e qëllimshme, ndërsa policia ka nisur hetimet për zbardhjen e plotë të rrethanave dhe shkaqeve të incidentit.
