Ka nisur në Shkup protesta e qindra studentëve dhe qytetarëve shqiptarë për mbrojtjen e përdorimit të gjuhës shqipe në provimet profesionale, konkretisht për atë të jurisprudencës.
Ata janë mbledhur pranë Urës së Gurit nën moton “Bashkohuni me studentët të gjithë me një zë” me flamuj kombëtar dhe këngë patriotike, ndërsa bëjnë thirrje në mbështetje të të drejtave gjuhësore dhe barazisë qytetare.
Organizatorët theksojnë se ky tubim nuk është kundër askujt, por synon mbrojtjen e dinjitetit dhe të drejtave të shqiptarëve si qytetarë të barabartë në Maqedoninë e Veriut.
Për të fuqizuar kauzën e tyre, studentëve u janë bashkuar edhe figura publike.
