Prokuroria e Posacme do të informojë të mërkurën Gjykatën lidhur me rezultatet e hetimeve dy mujore të kryera ndaj kryebashkiakut të Tiranës, Erion Veliaj, bashkëshortes së tij dhe 6 biznesmenëve.
Sipas ligjit, cdo dy muaj SPAK jep llogari para gjykatës për ecurinë e hetimeve. Gjykata pasi njihet me ecurinë e procesit, vlerëson nëse ka vend për zbutje, zëvendësim apo revokim të masës së sigurisë ndaj personave nën hetim.
Erion Veliaj, me detyrë kryetar i Bashkisë së Tiranës, po hetohet nën dyshimet për korrupsion e pastrim parash. Nën hetim është edhe bashkëshortja e tij Ajola Xoxa si dhe gjashtë biznesmenë.
