SPAK kërkon cilësimin fajtor dhe dënimin me 14 vite burgim për Samir Rosales Rodriguez. Kolumbiani kishte rolin e kimistit që do të ekstraktonte kokainën nga laboratori i Frakullës në Fier.
Prokurori Adnand Xholi deklaroi në sallën e gjyqit se autoritetet po presin ekstradimin e të pandehurit. Sipas hetimeve, Rodriguez udhëtoi nga Kolumbia drejt Greqisë e më tej në Malin e Zi dhe në Shqipëri.
Detyra e tij ishte të nxirrte kokainën e përzier në pleh organik, e cila llogaritet sipas SPAK të ishte afro 480 kilogramë. Më herët janë dënuar edhe disa të pandehur të tjerë për këtë çështje, përfshirë edhe ish-kryekomunarin e Frakullës.
