Për herë të parë pas skandalit tek "Onkologjiku" ka reaguar Rama ne një takim me drejtuesit e shërbimeve në Qendrën Spitalore Universitare “Nënë Tereza”
Kryeministri e ka konsideruar ngjarjen si krim kundër njerëzimit dhe njerëzores.
Ky spital nuk ka asgjë më pak se spitalet e Europës. Të mos jesh në lartësinë e detyrës është hall i madh, por të kesh marrë diplomën e licencën e të përdorësh uniformën më delikate të shtetit si maskat e bandave për të nxjerrë para me gjakun e ilaçet e të sëmurëve, është krim kundër të gjithë njerëzimit.
Koha e heronjve i ka lënë vendin një kohe tjetër”, tha ai.
Ministrja e Shëndetësisë Albana Koçiu njoftoi se do të ndalohet që një mjek të ndjekë të njëjtin pacient edhe në shtet edhe në spitalin privat që mund ta zotërojnë, apo që mund të punojnë.Po ashtu tha se mjekët që kanë hapur dhe ose punojnë klinika private, nuk do të mund të mbajnë asnjë funksion drejtimi apo niveli.
"Individët që njollosin institucionin do të ndalohet të veshin bluzën bardhë gjatë gjithë jetës. Nuk thashë disa nga afatet për masat e shkelura, sepse janë ende në diskutim edhe për disa ditë. Kjo ngjarje e rëndë do përbëjë një mësim të paçmuar për të punuar për shëndetësinë europine 2030”, tha ajo.
