Kryeministri Edi Rama u pyet në emisionin Opinion për arrestimin e ish-presidentit, Ilir Meta, ai refuzoi ta komentonte.
Pas insistimit të drejtuesit të emisionit nëse në vendin e Metës do ishte kryeministri, Rama u përgjigje me shprehjen banale popullore.
Pjesë nga biseda:
Blendi Fevziu: A është normale të tërrhiqet zvarrë në mes të ditës, në një nga vendet më publike të Tiranës ish-Presidenti i Republikës.
Edi Rama: Nuk bëj asnjë koment, sepse nuk kam asnjë lloj interesi po të them.
Blendi Fevziu: Po nëse do ishit ju në vendin e zotit Meta, këto imazhe do t’u dukeshin normale?
Edi Rama: Ka një shprehje populli shqiptar për hallën që thotë, “nëse halla do të dispononte, çfarë disponon xhaxhai, do ishte xhaxha”.
Kryeministri refuzoi të përgjigjet edhe për deklaratat e ish-kryetares së LSI, Monika Kryemadhi, e cila tha se peshku i madh në telefonin e saj të sekuestruar nga SPAK është Edi Rama.
