Shkarkohet nga detyra për shkelje të rënda në detyrë zyrtari i lartë i Ministrisë së Mjedisit, Neritan Postoli.
Ai mbante pozicionin e drejtorit në Drejtorinë e Kërkimit dhe Dijes Mjedisore, ose ndryshe, siç njihej, edhe Drejtori i Mbetjeve, për më shumë se 15 vjet. Përgjegjës i transfertave të mbetjeve të rrezikshme dhe jo të rrezikshme, i regjistrave mjedisorë, si dhe i analizave laboratorike.
Vendimi u mor ditën e premte nga komisioni disiplinor për shkelje “shumë të rënda”, pas një maratone të gjatë të shmangieve nga ana e zyrtarit. Burimet thanë se Postoli paraqiti në mbrojtje të tij dy bashkëpunëtorët e tij.
Shkeljet e konstatuara vijonin nga pranimi i transfertave të mbetjeve pa kodet përkatëse deri në akte administrative pa firmë titullari, në tejkalim kompetencash.
Mësuesi i anglishtes, që për rreth dy dekada monitoronte transfertat e mbetjeve të rrezikshme, regjistrat mjedisorë dhe të dhënat laboratorike si eksperti i mjedisit dhe i mbetjeve.
Sipas informacionit të marrë në rrugë jozyrtare, nuk dihet ende nëse shkeljet e konstatuara kanë vetëm efekt administrativ apo do të referohen më tej në prokurori për shpërdorim detyre.
