Rëndohet bilanci tragjik i atentatit të sotëm në qytetin e Shkodrës, pasi ka ndërruar jetë në spital edhe Arlind Bushati, djali i ish-kandidatit të PD për kryetar bashkie, Xhemal Bushati.
Arlind Bushati ka qenë duke udhëtuar me automjet "S Class" me targa kroate bashkë me Hamza Licin, kur i kanë zënë pritë. Pasi i kanë qëlluar me breshëri plumbash, Hamza Lici mbeti i vrarë në vend, ndërsa Arlind Bushati mori një plumb në kokë dhe u transportua në gjendje të rëndë për në spital, ku nuk mundi t’i mbijetojë plagve të marra.
Pak ditë më parë Arlind Bushati kishte denoncuar se ishte kërcënuar me jetë nga persona që lëviznin me motor. Pavarësisht denoncimit, askush nuk mori masa.
Kujtojmë se nga ky atentat mbeti e vrarë edhe Flutura Basha dhe u plagos bashkëshorti i saj. Ata ishin duke lëvizur me motor në aksin Shkodër-Koplik, kur automjeti i viktimave të atentatit i përplasi.
