Policia e Shkodrës ka shoqëruar 4 persona në komisariat për atentatin ku mbetën të vrarë Hamza Lici dhe një kalimtare dhe dy të tjerë u plagosën. Nuk dihet ende nëse personat e shoqëruar thirren si dëshmitarë apo si të dyshuar për ngjarjen.
Nga atentati i ndodhur sot në Dobraç të Shkodrës ka mbetur i vdekur Hamza Lici dhe u plagos rëndë Arlind Bushati, që kanë qenë edhe objektivë të autorëve.
Hamza Lici ishte vëllai i Ibrahim Licit, që dyshohet se ndodhet në Turqi, shpallur në kërkim nga shteti shqiptar për vrasjen e Endri Mustafës. Ndërsa, Arlind Bushati është djali i Xhemal Bushatit, ish-kandidat i PD për Bashkinë e Shkodrës.
